دارچینی، سوودەکانی، بەکارهێنانی و کاریگەری لاوەکی

کۆکردنەوەی ئیدریس ئەبوبەکر

پسپۆڕانی پزیشکی ئاماژە بەوە دەکەن دارچینی سودی زۆری ھەیە بۆ جوانکردنی روخسارو دابەزاندنی کۆلستڕۆل و باشترکردنی تەندروستی دڵ ، گەدە ، ڕیخۆلە.


سودی زۆری ھەیە بۆ دابەزاندنی کێش و وە دەتوانێ بیری مرۆڤ بەهێز بکات.



خواردنی دارچین بۆ ماوەی ١٢ ھەفتە چارەسەری تێکچونی پەستانی خوێنی توشبوانی شەکرە دەکات.


گەر لەگەڵ شیر تێکەڵ بکرێت پارێزگاری لە نەخۆشی دەکات و ئازار کەمدەکاتەوە.


گەر کەمێک دارچینی لەگەڵ هەنگوین تێکەڵ بکرێت و بخورێت لە هەموو میکرۆبەکانی جەستە رزگارت دەکات کە هۆکاری سەرەکی نەخۆشیەکانن.


گەر لەگەڵ خۆراکەکانی دیکە تێکەڵ بکرێت و بخورێت واتە (شیرینیەکان) ئەوا دەبێتە هۆی زیاد کردنی رێژەی خوێن لە جەستەدا.


دەبێتە هۆی زیاد کردنی مادەی ئەنسۆلین بۆیە سوودی هەیە بۆ ئەو کەسانەی نەخۆشی شەکرەیان هەیە.


سوودێکی زۆری هەیە بۆ چارەسەرکردنی نەخۆشیەکانی کۆڵۆن.


گەر لەگەڵ زەیتی زەیتون تێکەڵ بکرێت و بدرێت لە دەم و چاو ئەوا سوودیکی زۆری دەبێت بۆ نەرم کردنەوەی پێست.


سابونی دارچین سودی زۆرە بۆ ئەوانەی پێستیان وشکه.

سوودەکانی دارچینی بۆ خانمان

دارچینی دەبێتە هۆی ڕێکخستنەوەی سوڕی مانگانەی خانمان و یەکسانی ڕاگرتنی هۆڕمۆنەکان لە لەشدا، لەهەمانکاتدا یارمەتی ئەو کەسانە دەدات کە درەنگ دووگیان دەبن بەهۆی کێشە لە هێلکەدان یان گرفی هۆڕمۆنات.

ئەو ئازارەی لە سوڕی مانگانەدا تووشی خانمان دەبێت، دارچینی کەمی دەکاتەوە و ئاسانکاری دەکات بۆ ئەوەی باشتر و خێراتر لەو خوێنە ڕزگاربێت.

دارچینی یارمەتی خانمان دەدات کە کێشی لەشیان دەبەزێت، چونکە یارمەتی توانەوەی چەوری ورگ و کەمەر دەدات، لەهەمانکاتدا کرداری هەرس ئاسان دەکات و کالۆری دەسوتێنێت.

لەدوای منداڵبوون خواردنی دارچینی سوودی زۆری هەیە، چونکە کاری هێلکەدان و منداڵدان ڕێکدەخاتەوە و سوڕی خوێن چالاک دەکات و ئازار کەمدەکاتەوە، بەهۆی ئەوەی بڕێکی زۆر کالسیۆم و کانزا و ڤیتامین سی بەسوودی تێدایە، کەدەبێتە هۆی بەهێزکردنی ماسولکەکان و ئازاری ئێسک کەمدەکاتەوە، ئەگەر لەپێش منداڵبوونیش بخورێت ماسولکەکانی کۆرپەلە بەهێز دەکات، لەلایەکی دیکەوە یارمەتی زۆربوونی شیری دایک دەدات بۆ کۆرپەلە.