​8 ڤیتامین روخسارت بۆهەمیشە بە گەنجی دەهێڵێتەوە

پسپۆر و شارەزای بواری جوانکاری ئەمریکی” ماندی نیامبی” رۆڵ و گرنگی 8ڤیتامین دەخاتە روو بۆمانەوەی پێست و روخسار  بەگەنجی و جوانی.

ڤیتامین A: پارێزگاری لە پێست دەکات و تەمەنی درێژ دەکات هاوکاری پێست دەکات خۆی نوێ بکاتەوە لە” ماسی و هێلکە و گۆشتی گا و بەرهەمەکانی شیر و گێزەر و پەتاتەی شیریندا هەیە”.

ڤیتامین B12:  بە کوبالامین ناسراوە، رۆڵێکی گەورە دەبینێت لە زیادکردنی کرداری هەڵمژینی پرۆتیینەکان، پارێزگاری لە سیستمی خانە دەمارەکان دەکات و خڕۆکەسورەکان بەرهەم دەهێنێت لە ” گۆشت و مریشک و هێلکە و رۆبیان و شیرەمەنیدا” زۆرە.

ڤیتامین C: بەناوبانگترین ڤیتامینە گرنگترین دژە ئۆکسیدە، رۆڵی باڵا دەگێڕێت لە بەرهەمهێنانی کۆلاجیندا کە بە پێویسترین و سەرەکیترین شت دادەنرێت بۆ پێست، کاردەکات بۆ توندکردنەوەی پێست و پاراستنی لە پیربوون لە میوەکانی وەکو” پرتەقاڵ، شلک ، تو، سەوزەکانی  سپێناخ و بیبەر و پەتاتەی شیریندا” زۆرە.

ڤیتامین D: هاوکارە لە کەمکردنەوەی هەوکردن و زیپکە و سەرە رەشەکان، لەگەڵ ئەوەیشدا رۆڵێکی گرنگ دەگێڕێت لە دابینکردنی کالیسیۆم و فسفۆر لە” شیر و دانەوێڵە و شەربەتی پرتەقاڵدا” زۆرە.

ڤیتامین E: بە موعجیزەی ئاڵتونی دادەنرێت، پارێزگاری لە پێستی رووخسار دەکات بەتایبەتی ژێر چاوەکان لە” بادەم و گوڵەبەڕۆژە و زەیتە رووەکییەکان و ماسی سەلەمون و ئەفەکادۆدا” زۆرە.

ڤیتامین K: رۆڵێکی باڵا دەگێڕێت لە چارەسەرکردنی برین و خوێن وەستانەوە لەکاتی برینداربووندا لە” کەلەرم و بەروبوومی شیر و ترێ” دا زۆرە.

زینگ: توێژینەوەکان ئاشکرایانکردوە کەمی زینک دەبێتەهۆی دەرکەوتنی زیپکە لە” گۆشت و رۆبیان و شیر و گەنم” دا زۆرە.

ئۆمیگا 3،6،9: ئەم سێ ترشەڵۆکە چەورییە رۆڵێکی کاریگەر دەبینن لە زیندووکردنەوەی خانەکانی پێست، پارێزگاری لە نەرم و شێداری پێست دەکات لە” تۆوی کەتان و فستق و گوێز و ماسی سەلەمون و ئەفەکادۆ”دا زۆرە.

دواڕۆژ – وەرگێڕان: پەری 
بڵاوکردنەوە: سۆران نورەدین