مووچه‌

پارەی پێویست بۆ موچە ئامادەکراوە..دارایی زانیاری بڵاودەکاتەوە

پارەی پێویست بۆ موچەی فەرمانبەرانی ھەرێم لەبەغداوە ڕەوانەکراوە، ئەندامێکی لیژنەی دارایی ئەنجومەنی نوێنەرانیش زانیاری زیاتر دەخاتەڕوو، ڕاشیدەگەیەنێت، “جگە لەموچەی مانگی سێ، پارەی موچەی مانگەکانی (١ و ٢)ی ئەمساڵیش نێردراوە”، دەشڵێت:”لەھەفتەی یەکەمی ھەموو مانگێک موچە دەنێردرێت”.

به‌گێڕانه‌وه‌ی مامه‌ڵه‌ له‌ تۆڕی هه‌واڵی سلێمانی، د.ئەحمەد سەفار ئەندامی لیژنەی دارایی ئەنجومەنی نوێنەران پێی ڕاگەیاند، “بەگوێرەی ڕێوشوێنەکان لەھەفتەی یەکەمی ھەموو مانگێکەوە دەست بەناردنی پارە دەکرێت، بەگشتی ناردنی پارەکە تا ١٠ی مانگ زیاتر دواناکەوێت، بەڵام ئێستا جۆرێک لەجۆرەکان سیستمی دابەشکردنی موچەی وەزارەتی دارایی گۆڕانکاری بەسەرداھاتوەو بەرچاو ڕونیی تەواونییە لەسەر خەرجکردنی موچە”.

سەبارەت بەناردنی موچەی فەرمانبەرانی ھەرێم و دابەشکردنی بۆ موچەی مانگی (یەک)ی ئەمساڵ، ئەو ئەندامەی لیژنەی دارایی ئاشکرایکرد، “موچەی مانگی سێ لەلایەن حکومەتی عیراقەوە نێردراوە، جگە لەوەش موچەی مانگەکانی (١ و ٢)ی ئەمساڵیش بەتەواوی نێردراوە، بۆیە پارەی پێویست ئامادەیە بۆ موچە”.

د. ئەحمەد سەفار ئەوەشی وت:”ھەفتەی داھاتوو دەچنەوە بەغداو زانیاری لەسەر شێوازی ناردنی موچەو وادەی دیاریکراوی خۆی بۆ ھەرێم بڵاودەکەنەوە”.

SHOPPING CART

close