سێکسی رێکخراو لە خانماندا دەبێتە هۆی چی؟

توێژینەوەیەكی نوێ كە لەلایەن توێژەرانی زانكۆی لەندەنەوە ئەنجامدراوە ئاشكرای دەكات ئەو ژنانەی ژیانی سێكسی یاخود پەیوەندی سێكسیان رێكە لە گەڵ هاوسەرەكانیان و هەموو هەفتەیەك پەیوەندی سێكسی ئەنجام دەدەن كەمتر توشی وەستانی سوڕی مانگانەی پێش وەخت دەبنەوە.

توێژەرەكان دەڵێن:” چاودێری 3000 ژنیان كردووە بۆ ماوەی 10 ساڵ و ئەنجامەكان تەئكید لەوە دەكەنەوە كە ئەو ژنانەی هاوسەرگیریان كردووە و سێكسیان ئەنجامداوە  كەمتر توشی وەستانی سوڕی خوێنی پێش وەختە بونەتەوە بە بەراورد لەگەڵ ئەوانەی لەمانگێكدا یەك جار پەیوەندی سێكسیان ئەنجامداوە”.

 توێژەرەكان دەڵێن ئەو ژنانەی بە شێوەیەكی رێكخراو سێكسیان ئەنجامداوە تەمەنی وەستانی سوڕی خوێنیان لە 51 ساڵیدا بووە و بەرێژەی 28% زیاتر بووە لەو ژنانەی كە سێكس بە شێوەیەكی رێكخراو ناكەن.

توێژەران ئەوەشیان راگەیاندووە ئەو ژنانەی سێكس ناكەن هەلی دووگیانبونیان كەمتر دەبێتەوە چونكە جەستەیان توشی كاردانەوەی پێچەوانە دەبێتەوە.

هەروەها لەو توێژینەوەیەدا هاتووە ئەو ژنانەی توشی وەستانی سوڕی مانگانەی خوێن دەبنەوە زیاتر توشی نەخۆشی دەبن و هەلی دووگیانبونیان كەمتر دەبێتەوە.

وەستانی سوڕی مانگانەی ئافرەت یەكێكە لە نیشانەكانی پیری و لەتەمەنی 45 بۆ 55 ساڵی روودەدات و بەپێی ئامارەكانی دەستەی تەندروستی نیشتمانی تەمەنی ناوەڕاستی وەستانی سوڕی مانگانە لە 51 ساڵیدا دەبێت.

توێژەران داتا و ئاماری 2936 ئافرەتیان لەولایەتە یەكگرتوەكان وەرگرتووە و ئەنجامەكان ئاشكرای دەكەن ئەو ژنانەی لە ژیانی سێكسی و پەیوەندی سێكسیان لەگەڵ پیاوەكانیاندا چالاكترە رێژەی وەستانی سوری مانگانەی پێش وەختەیان 64% كەمترە.

دكتۆرە روس مایس كە سەرپەرشتی توێژینەوەكەی كردوو دەڵێت:”ئەگەر ژنان ژیانێكی پڕ خۆشی سێكسیان هەبێت ئەوا  كەمتر توشی وەستانی سوڕی خوێنی پێش وەختە دەبنەوە”. 

سه‌رچاوه‌: دوارۆژ

SHOPPING CART

close