پزیشکێکی یابانی بنەماکانی تەمەن درێژی ئاشکرا دەکات

شیجاکی هینۆهارا ئەو پزیشکە یابانیەیە کە چەند بنچینەیەکی لە ژیاندا بۆ زۆربەی خەڵی یابان داناوە تا تەمەنێکی درێژترو تەندروست بژین، خۆی ئەم بنچینانە پەیڕەو کردووە و دوای تەمەنی 75 ساڵی کتێبێک دەنوسێت و ئامۆژگاری خەڵکی تێدا دەکات.

هینۆهارا لە تەمەنی 105 ساڵی و لە ساڵی 2017 کۆچی دوایکردووە و بەرێوبەڕی نەخۆشخانەی سانت لۆکەس بووە، ئەو زۆرکات تەنیا مۆسیقای بۆ چارەسەرکردنی نەخۆشەکانی بەکاردەهێنا.

دوای مردنی هینۆهارا دەفتەرێی تێبینییەکانی دەدۆزرێتەوە کە چەند بنچینەیەکی سەرەکەی تێدایە بۆ تەمەن درێژی مرۆڤ و لەشساغی کە خۆی لەم خاڵانەی خوارەوە دەگرێت:

1- جەستەی مرۆڤ وزەیەکی لە دڵخۆشی و پێکەنین تێدایە، هەر وەک چۆن لە منداڵیدا هێندەی سەرقاڵی یاری و گەڕانین سەرقاڵی نان خواردن و خەو نین، بۆیە هەوڵبدەن لە تەمەنی گەورەیشدا هەمان کار ئەنجام بدەن و خۆتان بەخواردنەوە هێندە سەرقاڵ مەکەن.

2- شتێک نییە بە ناوی قەڵەوی ئەوە تەنیا خۆراکی خراپ و خێرایە کە مرۆڤەکان قەڵەو دەکات، من بە درێژایی هەموو تەمەنم ڕۆنی زەیتوونم بەکارهێناوە، کە پارێزگاری لە دەمارەکانی دڵ و مێشک دەکات لە گیران.

3- هەمیشە پلانی دورخایەنتان هەبێت و هەوڵبدەن هەمیشە بیر لە 10 ساڵ یان 20 ساڵی داهاتوو بکەنەوە، تا جەستەو مێشک وا ڕابێت کە ئامانجێکت هەیەو هەمیشە دەتەوێت بمێنێت تا پێیبگەیت.

4- شتێک نییە بە ناوی خانەنشینی، گەر هەشبێت ژیان دوای ئەوە دەستپێدەکات.

5- هەمیشە ئەو زانیاریانەی لە مێشکدایە بیدە بە خەڵکانی تر، من لە ماوەی یەک ساڵ کە تەمەنم 85 ساڵ بوو 150 وانەم بە خوێندکارەکانم دەوت و کەمترین وانەیان کاتژمێرێک زیاتربوو.

6- هەرگیز ئەسانسۆر بەکار مەهێنن، هەمیشە بە پلیکانە هاتووچۆ بکەن، وەرشکردنی ڕۆژانەتان وەک ئاینەکەتان خۆش بوێت.

7- خەفەت خواردن هەمیشە بۆ شتێکە لە ڕابردوودابووە، بۆیە هەرگیز خەفەت بە شتێک مەخۆ کە ڕویداوە چونکە نە دەتوانیت بیگۆریت نە دەتوانیت چاکی بەکەیتەوە، هەرکات هەستت بەبێتاقەتی کرد گوێ لە مۆسیقا و ئاوازێک بگرە.

8- هەمیشە بیکردنەوەت لە پارە وەلابنێ، چونکە کاریگەری خراپی لەسەر جستە دەبێت، هێندە بیر لە تێکەڵبوونت لەگەڵ خەڵکی دیکەداو خۆشەویستی بکەرەوە هێندە بیر لە پارە مەکەرەوە.

9- هەمیشە هەوڵبدە پێشەنگبیت لە هەر کارێکدا کە دەیکەیت بۆ ئەوەی زۆرترن کەس چاو لە دەست و کاری تۆ بکەن، هەمیشە هاوکاری چواردەورتبە، هەمیشە دەستخۆشی لەخۆت بکە لە کاتی سەرکەوتنەکانتدا، گەر هەڵەیەکت کرد لێی فێربە نەک لۆمەی خۆت بکەیت.

دواڕۆژ، سۆران نورەدین

SHOPPING CART

close